Адны ад лішку часу і фантазіі ствараюць калайдэры, іншыя, усё па тым жа чыньніку, пакутуюць славесным мазгавым паносам. Шкоды ад гэтага ніякага. Зрэшты, як і карысьці. У сувязі з гэтым, прапаноўваю Вашай увазе яшчэ адну бескарысную інструкцыю. Ізноў жа, для ўзняцьця настрою ў гэты тужлівы кастрычнік.

ІНСТРУКЦЫЯ
па экспляатацыі унітаза бытавога аднамеснага

Унітаз бытавы аднамесны УБА-1 (у наступным - сральнік), прызначаны для задавальненьня натуральных запатрабаваньняў чалавека любога пола і веку шляхам апаражненьня кішэчніка, мачавой бурбалкі і страўніка.
Падрыхтоўка да працы.
1.1 Зойдучы ў туалетны пакой, зачыніце дзьверы, калі маецца магчымасьць.
1.2 Адкрыйце вечка і, зьняўшы сподняе, асьцярожна садзіцеся, трымаючыся правай рукой за ручку дзьвярэй, а левай накіруйце свае геніталіі так, каб яны былі перпендыкулярныя, а вочы - раўналежныя гарызантальнай плоскасьці сральніка.
Парадак працы.
2.1 Зрабіце глыбокі ўздых і, імкнучыся засяродзіцца на галоўным, напружцеся да лёгкай чырвані на шчоках і ўнізе жывата, з адначасовым выпінаньнем абодвух вачэй. Калі першая спроба не атрымалася, то яе неабходна паўтарыць шматкроць.
2.2 Пасьпяховы канчатак працы павінен суправаджацца прыемнай стомленасьцю, воплескам вады і памяньшэньнем агульнай вагі цела. Зрабіце выдых.
2.3 Левай рукой пераканайцеся, што працэс завершаны, а правай - вытрыцеся зьнізу да пояса.
2.4 Трымаючыся за ручку дзьвярэй правай рукой, паспрабуйце ўстаць.
2.5 Спусціце ваду і зачыніце вечка.
2.6 Паспрабуйце ўсміхнуцца і адкрыць дзверы.
Меры бясьпекі.
3.1 Забараняецца карыстацца сральнікам пры зачыненым вечку і ня зьняўшы сподняга.
3.2 Забараняецца выкарыстоўваць ёрш не па прызначэньні.