Думаю, можна падвесьці прамежкавыя вынікі.
І так, 16 жьніўня Натальля Міхневіч і Надзея Астапчук заваявалі срэбра і бронзу ў штурханьні ядра. 17 жьніўня Дзевятоўскі і Ціханаў заваявалі срэбра і бронзу ў кіданьні молата. Карстэн - усяго толькі ўзяла бронзу. Штосьці бракуе нашым спартоўцам, каб стаць залатымі прызёрамі. Гэта не апраўданьне, што да нашых спартоўцаў прадузята ставяцца суддзі/арбітры/міжнародны алімпійскі камітэт. Бракуе запалу. Вось сёньня глядзеў жаночы баскетбол. Гулялі з бразільскай зборнай. І, што вы думаеце - ганебна прайгралі. Я, вядома, разумею, што вынікі гэтага матчу ні на што не ўплываюць, але ўсё роўна крыўдна. Каментатар толькі паўтараў як заведзены "з-за недахопу матывацыі".
Тым ня менш, нашымі спартоўцамі заваявана 10 мэдалёў - 3 срэбныя і 7 бронзавых.

22 жьніўня пляную з'ездзіць у Менск. Жадаю прыпаднесьці сабе падарунак: купіць чарапаху. Досьвед утрыманьня ў хатніх умовах ёсьць, як і ёсьць разуменьне, што чарапахі не выяўляюць прыхільнасьцяў да свайго гаспадара. А, калі пры набліжэньні як быццам радасна цягнецца на сустрэчу - азначае ўсяго толькі, што яна запомніла час кармленьня. Але - жадаю.
Плянаў “грамадзьё”, нават, і ня ведаю, што з усяго задуманнага атрымаецца.